ω貓貓の暖暖窩ω

尋日早左離開辦公室，於是同某豬過左去春風3號~

去到同Mable講起，大家都好耐無去過大排檔了~
擇日不如撞日，於是齊齊決定去陳家祠的大排檔度食啦~

其實初時都唔知揀邊間好，後來醒起poco上邊有幾篇都寫過“貞姨大排檔”
好似都唔錯的樣子，於是就直奔而去了。。。

去到，系路邊的臺仔坐低點好菜，適逢落班時分
望住往來嘅人群，別有一番感覺吧。。。
呢的感覺系要系大排檔先會有嘅~

大家邊食邊傾計，食到大半嘅時候
發現前邊一陣騷動
好似話有城管喔。。。
說時遲那時快。。。
前邊已經好迅速地系度收拾的臺凳。。。
我地3個就各自攞返自己的餸同埋碗仔，飄左去一邊嘅巷仔度

後來發現，只有一個城管。。。
訓誡左幾句之後就走左了。。。
我地就決定轉入室內繼續食啦。。。

     返左來就系文字上倦怠了...

     想著用多啲時間尋找一些已經失落嘅事情...
     想著用多點時間融入呢個曾經遠離嘅城市...
     卻發現只是徒勞...
     隔閡依然存在...

     佢 
     對而家嘅我很陌生...

     節日 
     過得還算充實吧...

     短途旅遊左一次，可惜沒有漫遊...
     浪費左影相嘅機會...
     不過有新嘗試...

     短途過去
     俾左大半日時間去左員村嘅Redtory...
     就一個舊廠區改造嘅新型園區而言，其實都算唔錯...
     舊廠房同新文化嘅交錯，有種穿越嘅錯覺...睇下要唔要另外開篇詳述啦...

距離上次嘅日誌已經過左半個月了吧，但我依然系出差中。。。

4月8日，活動開幕之後，基本上就可以輕鬆落來了，留守嘅包括我在內嘅4個人，只需要分批每日輪值就可以了。。。
於是我就有左一日游嘅機會，華清池-兵馬俑，同我10年前所見嘅無咩分別，只系今次影多左好多相。。。
遺憾嘅系始終都無去到陝西省博，個度真系好多嘢睇噶~可惜了。。。

我地系4月13日啟程返廣州，早上打包行李嘅時候收到同事電話，報身份證號，訂機票去江西。。。
聽完個刹那我有點哭笑不得嘅感覺，因為如果去江西的話，意味著又系一次唔短嘅時間。。。
幸而西安返廣州之後，有一日嘅休息時間。。。
不過都依然系好攰。。。

我有部份細軟都懶得系行李箱攞出來了，不過就系因為懶，今次再出trip就丟三落四了。。。

呢次行程時間由4月16日-4月23日，江西+福建。。。